الكورة للناس
اللي تلعبها.

هي للناس اللي تخلص دوامها، تلبس البوت، وتنزل تحت الكشافات. للناس اللي تجمع ربعها، تسوي فريق، وترجع أسبوع ورا أسبوع لأنها للحين تبي تتطور.

يتنافسون. يهمهم الفوز. يتذكرون الانتصارات ويختلفون على الخسارات.

بس يوم تخلص المباراة، أغلب هالكورة تختفي.

لا سجل. لا تصنيف. لا دوري. ولا طريق واضح لقدام.

إحنا نؤمن إن هالكورة تستاهل أكثر.

فيلد قاعدة تبني ثقافة تنافسية مفتوحة تقدر تدخلها بروحك أو مع فريقك. تلقى مباراة، تعرف مستواك، تبني تاريخك، تمثل فريقك، تبني اسمك، وتحصل فرصتك تنشاف.

مكان للاعب اللي يدخل بروحه. مكان للفرق. مكان للمبتدئ اللي يبي يعرف مستواه، وللاعب الجاد اللي يبي يصعد.

البداية من البحرين. وبعدها مدينة ورا مدينة. نبنيها ويا اللاعبين، الكباتن، الحكام، والملاعب اللي يخلون اللعبة تستمر.

الكورة اللي تلعبها تهم. كل مباراة تحسب.